Skitur på Hamlagrø

Det er ein fin dag og tid for skitur nummer to i løpet av påsken. Ganske bra vær, sjølv om det er litt kald vind. Godt me fann ein lang bakke me kan lage løype i. :) På mandag var me ein tur på Langedalen. Det var fint vær då me gjekk utover, men då me kom fram til stølen og hadde fyrt opp bålet, kom skyene og snøen. Då fann me det best å pakke saman og sette kursen heimover. Det var lettare sagt enn gjort, sidan Daniel hadde knekt av gummituppen på skiskoen. Det endte med at eg måtte ta hans ski med rottefellabinding, og han tok mine (eigentleg mor sine ;) med kandaharbinding. Det vart ein heller "interessant" tur for oss begge to!

Påskeferie

Fem minutt i bil, ein time på fly, ein halvtime på buss og litt over ein time i yttergangen på toget... Sånn går det når ein ikkje bestiller togbillett i påsken! Godt me er unge og nokonlunde spreke og har med oss DVDspelar og brus! :)

Brudd?

Fekk telefon frå frøken i går om at lillemann hadde ramla og slått seg på skulen. Henta han på SFO litt etter, og då var han godt opphovna i handa. Ringte legen og fekk komma med ei gong. Han kikka raskt på handa og meinte det var brudd. Så då var det å hoppe i bilen og køyre til sjukehuset for røntgen. Når bildene var tekne, var det å finna seg ein plass på venterommet i akuttmottaket. Der vart me sitjande i to timar, før turnuslegen kom og henta oss. Så var det ca 20 min med tyding av røntgenbilder, konferering med andre legar og sykepleiar, før det endeleg var klart for gipsing. Og det tok jo si tid, sidan første forsøk ikkje gjekk så bra. Så då var det av med gipsen og på med ny. Når dei endeleg vart ferdige hadde me vore inne på skadestova i ein time. Då var me passeleg trøytte og leie!
No skal gipsen vera på i to veker, altså til rett over påske, og så skal me tilbake og ta av gipsen, ta nye bilder og eventuelt leggja på ny gips dersom det viser seg at det er brudd.
I morgon tek me fly heim til mormor og morfar for å feira 10-årsdag!
GOD PÅSKE :)

Omplanting

Stakkars småpuslete plantane mine! Dei har blitt oversett og nedprioritert i vinter, så no var det på tide å gje dei litt påfyll. Ja, og så har eg planta gulrøtter. Skal tru om eg klarar å slå fjorårsrekorden i antal og størrelse? -Det skal i allefall ikkje mykje til!

Det er forresten vår her i sør. Dei første vårteikna har alt vore her ei stund nemleg. Eg snakkar sjølvsagt om kløande auger og rennande nase. Men det er likevel deilig å merke at dagane vert ljosare og lengre! :)

Morgonstemning

Morgonstemning på Hamresanden. Ei kuldegrad, disig himmel, sol og lyden av tynn, tynn is som vert dytta mot land. Nydeleg!

Multifunksjonsbord

...eller rein latskap? Tja, det kan vel ha noko med at eg har hatt ein sjukling her i dag... ;)